PSALMI BENEDICTI: PSALMUS 26

PSALMUS 26

¹O Ivalis, qui nunc inter colles dispersos et thronos fractos habitas, ne fœdus tuum obliviscaris.
²Quia Dominus Deus tuus est Deus æmulator, tardus ad iram sed fortis memoria.
³Non in occulto locutus est, neque sub linguis alienis abscondit mandata sua.
⁴De monte tonuit, et per manum servorum suorum notas fecit vias sanctas suas.
⁵Noli ergo ambulàre in consiliis impiorum, neque stetēs in via eorum qui derident decreta.
⁶Dicit stultus in corde suo: Faciam quod volo, sed iam comprehensi sunt in laqueum pedes eius.
⁷Lex Domini lucerna fidelibus, et offendiculum superbis.
⁸Væ eis qui declinant iudicium pauperum, et polluunt stateram iustitiæ pro avaritia.
⁹Nonne Dominus requiret, aut nonne resurget in die visitationis, et memorabitur operum eorum?
¹⁰Manus effundentes sanguinem innocentem, et lingua quæ facit iniquitatem, in conspectu eius non stabunt.
¹¹Qui mandata servat, erit quasi lignum iuxta aquas, cuius folia non defluunt.
¹²Qui autem obliviscitur ea, erit velut palea, flatu Besalielis in vacuum pulsa.
¹³Amphisbæna in glaciali profundo sedet, cum libro nominum pruina scripto et igne obsignato.
¹⁴Memoratur delinquentium, et non obliviscetur rebellionem animæ securæ.
¹⁵Humilis fiat cor tuum, et contritus fiat spiritus tuus, et pedes tui celeres sint ad faciendam voluntatem Dei.
¹⁶Revertere ad iustificationes Factoris tui, et invenies misericordiam in valle tremoris.
¹⁷De lege loquere filiis tuis et filiis nepotum tuorum, ut non offendantur sicut tu.
¹⁸Doce verba Filii tui, qui legem implebit et eam miraculo magnificabit.
¹⁹O populus novi fœderis, sit memoria tua firma et obœdientia tua stabilis.
²⁰Quia delectatur Dominus in fidelibus, et coronat timentes nomen eius lætitia æterna. Amen.

▷SEPTEM SCRIPTURÆ ECCLESIÆ GLABADENSIS
    ▷PSALMI
        ▷PSALMI BENEDICTI
            ▶1—2—3—4—5—6—7—8—9—10—11—12—13—14—15—16—17—18—19—20—21—22—23—24—25—26—27—28—29—30

English | Latin | Ελληνική